مخنوء قوي من نفسي
ومضايق جدا من قلبي
وعقلي عمال يسخني
ويقولي احسنلك
تولع في نفسك
وتِخلص بروحك
من قرفك ومن زولك
رايح جاي تدور
علي ايه ولمين متحير
عملي فيها مفتح
وانت اكبر مغفل
بتقول لكل الناس
ان الطيبه والاحساس
اغلي واثمن من الماس
وعمال تعيد وتزيد
وناسي دنيتك
مضيع حياتك واحلي ايامك
ولا حد فارقه معاه
كلامك او حكياتك
لاتفوق لئما تعمل
زي ما قولتلك
زهقت خلاص
من الكدب ومن
وهم الاخلاص
كل يوم بتصحي
علي صدمه وتصرخ
واقول من الجرح
خلاص هنخلص
تقولي هيا وخلاص
اخر مره
وترجع تشرب تاني
من نفس الكاس
ريحني بقي وارحمني
من البشر والبني ادمين
دا نت كل مره
ال يمسح دموعك
اااديك وعيون عصفورك المسكين
ال حبسها في قفصك
ودبلت واتقصف رشها
وجنحها لو من غير قفص
مش هتطير
في عز قوتك بترجعلي ضعيف مهزوم
وياريتك تقولي هنتقم واخد بتاري
الا القيك قايلي مسامح والايام بتداري
وفضلت تهرب وتسامح لحد
ماضاقت عليك الارض
واطفشت الايام
واديك في بلدك عايش زي الغريب
شحات
بتتمني نظرة حب
وانت زي ال ميت في وسط غابه
مليانه وحوش وديابه
ولا يا سيدي حي
في وسط اموات
مصدق انهم ممكن يصحوا
ويتئسفوا لك ويعوضك
كل ال فات
ماتفوق بقي وارحمني
وعيش وكفر عن زنبي
اتكلم بلسانهم وحب بقلبهم
الحق ال باقي في ايامك
وانسي انك رسول زمانك
اتحرر من قيود ك واغلاللك
وافتح للناس قلبك ولو كان مقلوب
يوفي ويصون ويعشق
ومستعد يجرح ويغدر ويخون
ليست هناك تعليقات:
إرسال تعليق