الأربعاء، 30 مارس 2011

يا حنانك ورقتك

يا حنانك ورقتك
يا قلبك الابيض
اول ما قلبي مال
ومنك قرب
ارتاحت دقتوا
وفتحت جنتوا
يا حنانك ورقتك
يا قلبك الابيض
يا احلي من النسيم
واطيب من العبير
لو بس تتبسمي
تفتح الازهار
وتخضر الاشجار
ويحل عليها الربيع
ولو تتكلمي
تردد الطيور
كلامك علي طول
وتسهر علي الغصون
تدندن غنوتك
يا احلي من النسيم
واطيب من العبير
رسمك دا كأنوا ماكان
ولا يخطر ببال انسان
ولا شفنا ولا سمعنا
عنوا في اي زمان
ياست الحسن والجمال
ملامحك لسه متوصفتش
واللغز في عيونك
يحير ميتحلش
بحبك ولا عشقك
مبقتش خلاص قدك
احساس بيكي
كل لحظه بيعدي
فوق المسموح والحدود
سارح ولا بهدي
وخدني في دنيا تانيه
فيها القمر قمرين
والدنيا مقسوما اتنين
كل حاجه فيها
بتنادي وتحلف باسمك
يا بخت ال مره بخيالوا قربلك
وشافك بعنيه وسلم بئديه
ويا سعدوا ال قدروا كتبلوا
تكوني ليه حقيقه ومن حقوا
تقولي مره ليه
بحبك
يا قوتوا وفرحتوا
ازاي هيتحمل
ازاي هيتحمل تكمليها او تعديها
دي الكلمه لو خرجت من بين شفيفك
تدوب حروفها وتندم علي بعدك
ويحلي السكوت ويعلق الزينه الهدوء
وينور السكون الدنيا من حسنك
ويغير الهمس من صمتك
يحرك افكارك ويوصلك
تقولي كلام بينك وبين نفسك
هقولك ايه
مانتي مفيش زيك
 

ليست هناك تعليقات:

إرسال تعليق