الخميس، 28 أبريل 2011

اخبار اهرام جمهوريه

اخبار اهرام جمهوريه
كلوا تمام وميه وميه
رياضه وفن وتسليه
ومتوهين كل الدنيا ديا
لا صدق ولا امانه
ولا اي رساله
وثقافة ايه
مبقتش تاكل عيش
في الزمان دا
الهي الشعب كمان وكمان
وخليه دايما نعسان
فرحوا فرفشوا
ونسيه الاحزان
خليك وطني
واسمع الكلام
اخبار اهرام جمهوريه
في بلدنا القلم
مالوش قيمه
وهموم البلد
حاجه قديمه
لا قضيه ولا رساله
حتي الصوره بقت كدابه
لا صحه ولا تعليم
كلوا تعتيم تعتيم
والشعب الغلبان التعبان
بيمارسوا عليه
احدث اساليب التوهان
وكلوا تمام
كلوا تمام
اخبار اهرام جمهوريه
كلوا تمام وميه ميه
لكن دا كان زمان
 
 
 

ليست هناك تعليقات:

إرسال تعليق