الأربعاء، 4 مايو 2011

واقف علي باب قلبها


علي باب قلبها
واقف بقالي سنين
تتقل ومين قدها
يحميها الله من العين
قمر واتنين وتلاته
في حضورها مش ظاهرين
طاغي حسنها علي الملاء
ساحر عيون ملاين
يبقي من حقها
اصبر سنه واتنين
ومهما اقول انا
عاجز لساني خجول
علي باب قلبها
واقف بقالي سنين
مستني منها ابتسامه
تشفيلي قلبي المسكين
وروحي تروح عندها
من الشوق ومن الحنين
ترجعلي روحي تحكيلي
دقيقه عشتها جنبها
يوم واتنين
وابص فوق في السما
من حيرتي في بعدها
اشكي عذابي وظلمها
القيني برد شكوتي
واقول لنفسي مين انا
اقول لنفسي مين انا
انا
ال واقف علي باب قلبها
بحلم بيوم تحنلي
ويتفح باب قلبها
 

ليست هناك تعليقات:

إرسال تعليق