الجمعة، 6 مايو 2011

ليه حرمتوا الكلام


هوا انتوا ليه حرمتوا الكلام
وليه دايما كدا
تزعلوني قبل مانام
اااه ليه انتوا فاهمينا غلط مش صح
صدقوني دا ضد النصح
مش سياسة خوف وبطل كلام
مش سكوت باتسامة سخريه وخلاص
ردوا عليا وفهمونا
مين فينا
يقدر يبني بلادي ويعمر
مين فينا
هيمسك في اديه الرايه ويكبر
مين فينا
هيمشي الطريق و يقدر يكمل
هتقولوا
ايه ياا ال علمتونا السكات
لما يتوه منكوا الكلام
وتنتحر الحروف
عرفتوا مين فينا الاناني
ومين ال باع روحوا للتاني
ومين ال لسه لحد الوقتي
فاكر انوا لوحدوا هيقدر
يبني ويصلح ويعلي
هوا انتوا ليه حرمتوا الكلام
قاالولنا زمان
اتكلم عشان تبان
وجينا نتكلم ونحكي
ونحلم سوا
ونفكر ونشكي
قالولنا مش من حقكوا
دا حرام وعيب وكلام غريب
بترددوا وحافظينوا مش فاهمينوا
احنا الهنقولوا
تسمعوا وتطيعوا
احنا الفهمين كل شيء
احنا الكبار احنا الاساس
وسبونا لوحدنا من غير حراس
هوا انتوا ليه حرمتوا الكلام
وليه دايما كدا
تزعلوني قبل ما انام

ليست هناك تعليقات:

إرسال تعليق